Aventura Plástica é un proxecto de sensibilización ambiental especializado en residuos plásticos.
Nesta charla de sensibilización ambiental exponse a problemática dos residuos plásticos, como afecta isto ao noso planeta e a nosa saúde… ademais de ensinar as propiedades dos plásticos e as súas aplicacións e explicación do proceso de reciclaxe.
Estrutura da actividade
• Introdución, presentación de Aventura Plástica, breve explicación do proceso de reciclaxe.
• O plástico como material, cantidade de plástico que xeramos/consumimos, tempo de uso vs. tempo de degradación, residuos e sistemas de xestión, degradación do plástico, microplásticos e o seu impacto na nosa saúde e no medio ambiente.
• Posibles solucións: Reducir, Reutilizar, Reciclar.
• Tipos de reciclaxe: Primario, Secundario e Terciario.
• Tipos de plásticos: móstrase unha a unha as 7 categorías principais de plásticos e explícanse as súas propiedades, aplicacións, diferenzas, beneficios e riscos.
• Proceso de reciclaxe: explicación detallada de como é todo o proceso desde a recollida, limpeza, selección e separación por tipos, transformación de pellet a obxecto e diferenzas entre os distintos procesos; inxección vs. compresión.
Esta charla terá lugar o vindeiro sábado 6 de xullo entre as 11:30 e as 12:30 no local da asociación na rúa Gregorio Espino, 38, entreplanta 3, 36205 Vigo, Pontevedra.
Para participar debes de realizar a túa inscrición gratuita en meetup.
![Cartel AventuraPlastica](/AventuraPlastica/Cartel_AventuraPlastica_web.jpg)